Një talent në muzikë që na bën krenarë nëpër botë. Serena Marku vetëm 11 vjeçe me origjinë nga qyteti i Lezhës, është pjesë e “The voice Kids of Italy”.
Serena mahniti jurinë me performancën e saj me këngën “I Wanna dance with somebody (who loves me)” nga Whitney Houston, duk i ngritur të gjithë në këmbë për të kërcyer së bashku me energjinë që ajo përcjell në skenë.
Mentore e Serena Markut në këtë konkurs do të jetë diva e muzikës italiane Loredana Berte, një përzgjedhje kjo e vetë 11-vjeçares.
Sezoni i katërt i konkursit italian të këngës “The Voice Kids” filloi transmetimin më 10 janar 2026, në Rai 1. Pak para transmetimit të sezonit, paneli u konfirmua të ishte i njëjtë me sezonin e gjashtë të The Voice Senior. Arisa dhe Loredana Bertè u rikthyen si trajnerë nga sezoni i kaluar, së bashku me Clementinon, i cili, këtë sezon, u bë trajner dyshe me Rocco Hunt. Ndërkohë, Nek zëvendësoi trajnerin në largim Gigi D’Alessio. Përveç kësaj, Antonella Clerici u rikthye për sezonin e saj të katërt radhazi si prezantuese.
