Llogaria e TikTok @MindsEverybodiesBusiness, e njohur ndryshe si Nosy Rosie, së fundmi ndau një “histori dashurie në Facebook”, që ka bërë që disa njerëz të thurin teori të frikshme, pasi një burrë dyshohet se është martuar me motrën e gruas së tij të ndjerë vetëm dy muaj pas vdekjes së saj.
Në fund të prillit, një grua u vra së bashku me një nga vajzat e saj në një aksident me furgon. Vetëm dy muaj pas vdekjes, bashkëshorti i gruas dyshohet se u martua me motrën e saj.
Në një TikTok viral, Nosy Rosie ndau një postim në Facebook në lidhje me bashkëshortin e gruas së ndjerë dhe motrën e saj që u bë viral në disa grupe të njohura në Facebook.
“U luta dhe Zoti u përgjigj, në më shumë mënyra sesa mund ta imagjinoja ndonjëherë. Z. & Znj. ~ 19 korrik. Të dua më shumë se jetën, zoti Murray!” – këtë shkroi nusja e re dhe motra e të ndjerës në një foto me partnerin e saj të ri, në ditën e tyre të dasmës.
Njerëzit, sigurisht, vërshuan seksionin e komenteve me teoritë e tyre të pakonfirmuara në lidhje me marrëdhënien.
“Titulli me të vërtetë tingëllon sikur ajo dëshironte që motra dhe mbesa e saj të vdisnin”, ka shkruar një person.
Një tjetër shkruan:
“Ai kishte dy fëmijë të tjerë në spital që luftonin për jetën e tyre… Ku gjeti kohë të ‘dashurohej’ dhe të planifikonte një dasmë? Këta fëmijë nuk patën as mundësinë të ktheheshin në shtëpi dhe të përshtateshin me atë që i priste.”
Dikush ngre dyshime edhe më të mëdha…
“Përgjigjja e lutjeve? Jam e tmerruar. Sa i rastësishëm ishte aksidenti?!”
Në një përditësim, Nosy Rosie raportoi se gruaja tani është shtatzënë.
Rasti viral duket se i referohet një aksidenti trafiku në Westville, Oklahoma, me 34-vjeçaren Sarah Murray dhe vajzën e saj 13-vjeçare, Aubrie.
