Një grup deputetësh të Partisë Demokratike, më konkretisht të grupit të Alibeajt, janë mbledhur mbrëmjen e djeshme për një darkë në qytetin e Pogradecit.
Burime bëjnë me dije se të pranishëm kanë qenë 23 deputetë, mes të cilëve dhe vetë Enkelejd Alibeaj. Mësohet se ata janë mbledhur me ftesë të deputetit Lefter Gështenja.
Mes të pranishmëve kanë qenë dhe Kreshnik Çollaku, Flutura Açka, Oriola Pampuri, etj. Në këtë darkë nuk ka marrë pjesë asnjë deputet nga grupi mbështetës i Sali Berishës.
