Ka agravuar së fundmi debati mes Mateos dhe Rogertit brenda në “BBVA5”, ku ky i fundit është përballur me kërcënime haptazi nga banori.
Duke debatuar të ulur në divan në ambientet e jashtme të shtëpisë, Rogerti dëgjohet teksa papritmas ngre tonin e zëri dhe e cilëson Mateon si djalë të poshtër. Ndërsa më tej e kërcënon banorin duke i thënë se bashkë do të kenë një përballje jashtë, madje në palestrën “Hit Fit”, ku Mateo është i punësuar si trajner personal.
“Ti je djalë shumë i poshtër! Unë Gert Sterkaj do të vij me rracën time të palestra jote. I bëj thirrje shokëve të tu të jenë gati kur të vij unë, kaq! Për këtë kryq do të vij me rracën time të palestra!”, i thotë Rogerti Mateos.
Banori me ironi i kundërpërgjigjet: Aman ore se na fute frikën.
Në lidhje me këtë situatë ka reaguar dhe familja e banorit, për të cilën shkruajnë se vetëm një njeri që ka frikë mbledh gjithë shoqërinë për t’u futur në sherr pa arsye.
Në përmbyllje të reagimit, familjarët e Mateos me ironizon Rogertin: Nga autostrada mund të shikosh palestrën, shokët dhe Mateon pas të shtunës.
Sakaq, kujtojmë se 4 finalistët që janë në garë kokë më kokë për çmimin e madh, janë: Selin, Miri, Mateo dhe Rogerti.
Finalja e madhe e “Big Brother Vip Albania 5” është këtë të shtunë, më 18 prill, kur pritet të zbulohet se kush do e rrëmbejë çmimin e majmë.
