A e keni vënë re ndonjëherë se njerëzit e sjellshëm janë tepër të kënaqur me jetën e tyre? Kjo sepse të qenit të sjellshëm me të tjerët, në fakt ndikon në shëndetin dhe lumturinë tonë.
Diçka tjetër që e dallon këtë kategori nga të tjerët janë zakonet e përditshme që ndikojnë praktikisht edhe në mirëqenien e tyre, duke i bërë edhe më tërheqës në sytë e njerëzve të tjerë.
#1 Janë të sjellshëm me veten
Njerëzit e mirë e dinë se të qenit spontan dhe bujarë kërkon rezerva të energjisë pozitive. Në vend që të shkatërrojnë veten e tyre, ata e ndërtojnë veten në versionin më të mirë të mundshëm.
#2 Ata janë mirënjohës
Thellësisht mirënjohës për jetën, bekimet, sfidat dhe mësimet në jetë dhe jo vetëm. Në çdo situatë ata marrin kohë për të gjetur dhe pranuar thelbin e së mirës, duke e parë gjithçka me një mendësi optimiste.
#3 Ata dinë të dëgjojnë
Edhe kur kanë diçka për të shtuar në një bisedë, ata dinë të dëgjojnë fillimisht atë që thonë të tjerët. Kjo lejon që personi që flet të ndihet i/e respektuar, i/e kuptuar dhe i/e dëgjuar më mirë.
#4 Janë të sigurt
Vetëbesimi i një personi të sjellshëm i lejon atyre të kënaqin veten, pa pritur diçka në këmbim. Ata e shprehin kudo mirësinë e tyre dhe kjo është thjesht një cilësi e mirëfilltë që vërtet e kanë.
#5 Kujdesen me dëshirë për të gjithë
Njerëzit e sjellshëm i kushtojnë vëmendje gjithçkaje, ndaj lumturia dhe mirëqenia e të tjerëve janë vazhdimisht në mendjen e tyre. Por kjo nuk ndodh për shkak se ata presin favore ose vlerësime për gatishmërinë e tyre, thjesht ata dinë të kujdesen mirë për të tjerët.
#6 Ata janë të respektueshëm
Njerëzit e mirë dhe të sjellshëm rrethohen nga diversiteti. Ata e respektojnë këndvështrimin tuaj, edhe nëse nuk pajtohen me të. Është misioni i tyre në jetë të udhëheqin me integritet dhe respekt për njerëzit që duan, madje edhe ata që janë të huaj.
#7 Qeshin shpesh
Humori është ndoshta një nga zakonet më të dobishme të njerëzve të sjellshëm, pasi i lejon ata të shohin përtej situatave personale. Njerëzit e sjellshëm shohin humorin dhe ironinë në situata, pa dashakeqësi dhe kjo lë shije të mirë tek të gjithë njerëzit që shoqërohen me ta.
