Beatrix Ramosaj nuk do të bënte asgjë ndryshe në “Big Brother VIP” nëse do të kishte mundësinë të kthente kohën pas, thjesht do ta kishte shijuar më shumë, tha ajo në një intervistë për “Mirage”, ku foli edhe për Donaldin dhe Borën, të cilët përfliten se janë ribashkuar.
E intervistuar pas festivalit “Netët e klipit shqiptar”, ku Triksa rrëmbeu çmimin më të rëndësishëm të mbrëmjes, ajo u pyet për reagimin e saj në lidhje me “persona të caktuar që janë parë bashkë në një sfilatë mode”.
“Është një pyetje që po ma bëjnë të gjithë. Nëse ata e kanë gjetur lumturinë, atëherë edhe unë ua uroj”, tha ajo.
Kaq. Shkurt. Pastër. Pa gabime.
