Për nëntë orë me radhë, krerët e degëve të Partisë Demokratike e kanë konsideruar ish-kryeministrin Sali Berisha si ‘mafian’ që ka sjellë shpërbërjen e PD dhe kanë dalë pro kryedemokratit Basha. Gjithçka nisi në orën 17:00 të ditës së kaluar. Ashtu si një javë më parë, kryedemokrati Lulzim Basha priti në zyrë krerët e degëve, një ditë pasi deputetët i kërkuan që të bënte hapa pas, të lironte karrigen e kryetarit dhe të lejonte hapjen e partisë.
I pari foli vetë kreu i Partisë Demokratike Lulzim Basha, i cili e konsideroi ‘eksplozive’ situatën në PD. Sipas tij, në këtë gjendje, partia nuk ka arritur për shkak të gabimeve të bëra, por prej vendimin të 9 shtatorit të ndërmarrë nga grupi parlamentar, përjashtimi i ish-kryeministrit Sali Berisha. Gjithsesi, Basha shtoi se ky vendim nuk mund të zhbëhet pasi do shkatërrohet e gjithë partia. Sipas tij, PD nuk ecën me një të hspallur non-grata në radhë.
Pas këtyre fjalëve, të gjithë krerët e degëve janë shprehur se dorëheqja e Bashës nuk është zgjidhja për partinë Demokratike. Deputeti Lefter Gështenja që është edhe kryetari i degës nr.7 në Tiranë tha se mund të linte edhe mandatin e tij nëse ishte e nevojshme për PD-në dhe kërkoi që Basha të distancohej. Por u kundërshtua nga të tjerët. Kruja, Fieri, Vora e thuajse të gjitha degët janë pro Bashës.
Pëllumb Seferi tha se ata që kërkonin të largohej kryedemokrati, duhet ta linin vetë mandatin, pasi nuk e kishin fituar vetë, por me ndihmën e kolegjit të kryetarëve. Sabah Sheta, kryetar i PD Krujë tha se kjo situatë mund të kalohet edhe përmes një kompromisi mes Bashës e Berishës. I ashpër ka qenë edhe kryetari i Degës së Partisë Demokratike në Dibër, Naim Gazidede, i cili e ka konsideruar ‘mafia’ grupin e mbështetur nga ish-kryeministri Sali Berisha.
Kreu i PD, Lulzim Basha: Kam përsëritur para deputetëve atë që u kam thënë ju kë takimin e fundit: Jam në dispozicion të zgjidhjes. Zgjidhja është një proces.Këtu nuk ndodhemi prej gabimeve por për shkak të vendimit të 9 shtatorit. Grupi i qëndroi vendimit të 9 shtatorit. E kuptojmë se nuk kemi shans me një non grata. Ajo që na vlen sot është një diskutim me përgjegjësi I kolegjit të kryetarëve pasi ky kolegj mban peshën më të madhe. Sfida është si ti bëjmë bashkë këto 3 pjesë. 9 shtatorin nuk e zhbëjnë dot nëse nuk duam të zhbëjnë PD. Duhet të tregojmë mençuri të bashkojmë PD, që të arrijmë sukses elektoral. Situata është eksplozive dhe detyra jonë është të jemi 1 orë e më parë në shërbim të njerëzve. Unë në shërbim të zgjedhjes kam vënë në dispozicion gjithçka.
Kreu i degës Nr 8 në Tiranë, Pëllumb Seferi: Anëtarët e degës 8 kanë shprehur mbështetje për kryetarin Basha. 6 mars u organizuar nga Berisha e Meta për të goditur Lulzim Bashën. Pati dhe mbështetjen e Rames, atij i intereson një person i izoluar nga perëndimit. Arsyeja ishte vendimi për ta pezulluar Sali Berishën nga grupi. Berisha nuk e ka luftën me PD, por me Amerikën dhe përdor emrin e Bashës për te mbrojtur veten. Duhet të qëndrojmë dhe jo të bëjmë zgjidhje emocionale. Zgjidhjet të vijnë prej nesh, ne kemi organe legjitime. Deputetët duhet të jenë të kujdesshëm: nëse kërkojnë dorëheqjen e Bashes të venë dhe mandatin e tyre në tavolinë. Asnjë se ka fituar vete mandatin, jemi dhe ne aksioner te mandateve te tyre. Të bashkohemi për të ngritur grupe pune nga të dy palët. Për këtë duhet të ketë vullnet nga të dy palët. Duhen njerëz me integritet . Të merren opsionet e të dy krahëve, ish drejtuesve te partisë, anëtarësisë e të gjendet zgjidhje. por aty duhet te përvëlojë qasja jone euroatlantike, pra nuk ka kthim pas nga vendimi i 9 shtatorit.
Kreu i PD në Kuçovë, Ilir Koçia: I kuptoj ata qe kerkoj te ike PD ne kete moment kaq te veshtire per PD, pa ofruar asnje zgjidhje. E kuptoj se askush ne PD, grup parlamentare nuk e con neper mend qe te vije Berisha, por si do ta bashkojme partine. Kjo eshte pyetja sot. Si të iki lulzim basha dhe ta lere PD në ciklonit e perplasjeve me Sali Berishën nuk jam dakord. Ne na duhet zgjidhja. Kryetari e ka bere te qarte se eshte i gatshem per cfaredo lloj zgjidhje. Ne duhet të ngremë komision me dy grupet dhe persona që nuk janë as me në as me ata. Ka njerez qe kane qene ne mes te dy paleve, ka njerez qe mund te ndihmojne ne kete moment per te gjetur zgjidhje. Mjafton mos të jenë njerëz që bëjnë pazar me ramën. Pa gjetu me pare zgjidhje, largimi i kryetarit do ta bejne me keq situaten ne PD.
Sekretari i degës Vlorë, Gjergj Nika: Asgjë nuk ndodhi nga 25 prilli në 6 mars, kishim vetëm një barrë të brendshme. Ne jemi ndarë në 3 fraksione, ne, ata të Berishës dhe pjesa e heshtur. Ne duhet te fokusohemi njëherë te kjo pjesa e heshtur, pastaj te bashkimi me foltoren. Nuk jam dakord për dorëheqjen tuaj, Partia nuk është gati për zgjedhje. Zgjidhja duhet të vinte nga ju në formë kompromisi, por duke mos bërë një hap pas. Nuk mund të kthehemi pas. Kompromis por pa dorëheqjen tuaj.”
Kryetari i degës së PD Librazhdit, Bujar Vreto: Duhet te bëjmë një platforme perbashkuese, duke u distancuar nga hajdutet e periudhës 2005-2013. Mblidhni këshillin kombëtar, ndoshta edhe kuvendin ne prill, por nuk e gjykoj te arsyeshme dorëheqjen ne këtë moment. Ne na duhet zgjidhje jo thellim i krizës.
Deputeti dhe kryetari i degës nr.7, Lefter Gështenja: Me vjen mirë që togfjalëshi im i ditës së hënë që të gjithë duhet të bëni një hap pas ka qenë fjala e ditës këtë jave.Mendoj që duhet të tërhiqen që të dy, si dy njerëz që jeni përgjegjës për situatën e krijuar në PD.Unë personalisht jam gati të lë mandatin e deputetit nëse i shërben zgjidhjes së krizës në PD.Unë e kërkova dhe dje një “armëpushim” mes demokratëve, qe situata të qetësohet dhe demokratët të bashkohen.Hapja dhe bashkimi i PD duhet të nisë nga rikthimi i demokratëve brenda institucioneve të partisë. Kjo lëvizje sipas meje është e vetmja zgjidhje për te bashkuar demokratet ne baze .Është koha për te vepruar, nëse nuk veprohet PD do të shpërbehet.
Pranoni që asnjeri nga ne nuk ishte me kapacitet te plotë në fushatën elektorale të 6 marsit. Nga kryetari PD deri te drejtuesi i fundit. Jemi në një situatë të vështirë, jemi me llambë të kuqe duhet zgjidhje urgjente, ne te kundërt PD shpërbehet. Rrugët e bashkimit: një hap pas të dy Basha dhe Berisha, qetësohet situata dhe të ketë një armëpushim. Dhe pastaj një platformë për të çuar në zgjidhje. Ne duhet të gjejmë një zgjidhje. Kemi një problem dhe duhet të gjejmë zgjidhje. Të gjithë bashkë të ringrejmë PD dhe të ecim para. Duhet të bashkohemi
Kryetar i PD Kruje, Sabah Sheta: Basha dhe Berisha të ulen të gjejnë zgjidhje. Dorëheqja e Bashes nuk zgjidh asgjë. Situata është e keqe, problemi është si do e zgjidhim? Problemi fillon ne 19 maj. Ju dhe Berisha keni korrur sukses kur keni qeverisur bashke, nuk mund te gjejnë nje zgjidhje ju te dy? Ju jeni dy kokat qe e mbani PD te ndare, mund te na jepni nje zgjidhje per demokratet? Une nuk jam për dorëheqjen, ja ike ti, çfare zgjidh? Ju mund te zgjidhni dy grupe per te gjetur zgjidhje brenda nesh, nuk shoh zgjidhje tjeter pervce juve. Ju e niset, ju bitiseni. Na bashkoni ne demokratet. Demokratet i kane sy nga ju, ju mund te na nxirrni nga ky ferr
Kryetar i PD Kukës, Arif Rexhmata: Mendoj se zgjidhje mund të jetëpranimi i fraksionet. Dorëheqja është zgjidhja juaj. Gjithë grupet përfituese të pushtetit janë bashkuar, duke shpifur për ju kryetar, duke ju ngarkuar një barrë që se keni. Ne i njohim te gjithe. Ne nuk kemi pune me dorheqjen tuaj, ajo eshte zgjidhja juaj. Mendoj se zgjidhje mund të jete duke mbledhur forumet, ndoshta duke pranuar dhe fraksionet. Fraksionet nga eksperienca edhe bashkojnë.
Kryetar i degës së PD, Durrës, Luan Hoti: Nuk ka zgjidhje ik ti e hajde ti. Duhet bashkim i demokrateve, ndryshe skemi asnje shans per te fituar. Problemi është se demokratët janë përçarë dhe sa herë të hyjmë në zgjedhje nuk do arrijmë dot rezultat. Duhet të gjejmë zgjidhje se baza është e përçarë. Kështu nuk kanë se çfarë të bëjnë. Zgjidhjet nuk vijnë tani se jemi të irrituar. Nuk ka zgjidhje me ik ti e hajde ti. Të reflektojmë, të qetësohemi.
Nuk i lame gje manget fushates, problemi eshte percarja e demokrateve. Garen nuk e kisha me demoratet, e kisha me Sakon, po nuk ishte keshtu per pjesen tjeter. Demokratet na ndeshkuan te dyja paleve. Cila eshte zgjidhja? A eshte zgjidhja largimi i kryetarit? Basha thote eshte gati per cdo zgjidhje, por terheqja e tij nuk eshte zgjidhja ne kete moment. Duhet bashkimi, po shkuam ne 2-3 kampe, nuk fitojme. Duhet bashkim. Per zgjedhje brenda partis nuk mund te mendojme, te pakten jo brenda nje viti. Duhet nje formule bashkimi fillimisht.
Kandidati i Partisë Demokratike për Bashkinë Shkodër, Xhemal Bushati: Frymën e bashkimit e kam pas kryesore në fushatën time. Kisha përballë Berishën, pdk, lsi, PSD e Tom Doshit e bashkinë. Duhet strategji. Të hapim pd me të rinjtë, intelektualët. Jam dakord të bashkohemi, po se di a na len lsi me u bashkuar. Nëse pd kthehet parti te vlerave do e shohin edhe shqiptarët se është parti e vlerave. Vetëm kështu ecim përpara.
Kryetar i degës së Partisë Demokratike në Sarandë, Vesel Koçia: PD ka një kuvend të 18 dhjetorit, një statut të miratuar. keshilli kombetare ka marre disa vendime. Komisioni I përbashkët është një mënyrë e mirë. Unë nuk jam që dorëheqja të jetë zgjidhje. Ngreme nje komision që të negociojë për bashkim e demokrateve.
Kryetari i degës Mat, Arjan Lika: Ata nuk e duan bashkimin. As mos të të shkojë mendja të japësh dorëheqje. Kjo është gjëja më e thjeshtë, por nuk është zgjidhja. Nuk vjen në pushtet një pd me Sali Berishën. Duhet te zbresësh ne terren, te takosh demokratet, qytetaret.
Kryetari i Degës së Bulqizës, Durim Fiku: Bashkëpunimi është i domosdoshëm. Duhet të hedhim ujë e jo benezinë zjarrit. Nuk mund të rrinë demokratët në cepa e të mos flasin me njëri-tjetrin. Të nisim nga seksioni e të bashkojmë bazën, të plotesojme strukturen. Kështu të ndarë nuk vijmë në pushtet.
Kryetari i Degës së Partisë Demokratike në Dibër, Naim Gazidede: Berisha e ka shprehur se para dinjitetit tim nuk pyes për asgjë, pra as për pd. Ai do ta shkatërrojë pd, I ka hyrë kësaj rruge. Nuk mund të marrin vendim disa deputetë pa na pyet ne. Me kë u konsultuan? Ata nuk njohin asnjë demokrat. Për mua zgjidhja është: duhet të vazhdojmë punën. Të plotësohen strukturat e të vijojmë punën. Në foltore është një pjesë e mafies. Foltorja ka dhënë nga 100 mijë lek për komisionerë e vëzhgues. Ku I gjetën këto para? Sali Berisha ka hall të madh dhe ka të tjerë andej që kanë po kaq hall të madh. Formula e zgjidhjes eshte te bashkojme sa me shume demokrat, te plotesojme strukturen dhe të punojmë me çdo qytetare. Nuk e zgjidh problemin dorëheqja e Bashës.
