Deputeti i PD, Agron Gjekmarkaj, foli për mungesën e tij në mbledhjet e zhvilluara në selinë e Partisë Demokratike.
Ai tha se do jetë përherë mungesë, për sa kohë Sali Berisha do jetë pjesë e tryezës së mbledhjeve. Ai shprehu mbështetjen e tij për kreun e komanduar të PD, Enkelejd Alibeaj.
“Nuk kam shkuar në grup se e kam shumë të freskët ditën e 8 janarit që mund të ishte një ditë tragjike. Tani e shoh si një pushtim dhe uzurpim të PD dhe s’kam dashur që me prezencën time të legjitimoj këtë uzurpim.
Unë nuk do të jem kurrë një deputet i Sali Berishës, do jem deputet i Lezhës dhe i PD në mënyrë që kjo parti të kthehet tek vlerat perëndimore dhe miqësia me SHBA.
I bindur që Partia Demokratike nuk mund t’i rikthehet vlerave perëndimore me Sali Berishën në krye të saj, mbështet rezistencën e Enkelejd Alibeaj”, u shpreh Gjekmarkaj.
Gjekmarkaj tha gjithashtu se Alibeaj nuk është polic, as gardist, por është politikan dhe në klimën kur kërkon bashkëpunim do i dëgjosh edhe kur të tjerët sillen si pushtues.
Ai tha se sot PD ka një kryetar grupi parlamentar që ka shumicën e grupit por kreu i grupit nuk shkarkohet me vullnet hyjnor por me vullnet të anëtarëve të grupit.
“Të duket ndonjëherë sikur PD ra sikur Kabuli, erdhën talebanët për ta marrë, Basha iku si Ashraf Ghani dhe ata e morën pushtetin.
Alibeaj nuk është polic, as gardist, është politikan dhe në klimën kur kërkon bashkëpunim do i dëgjosh edhe kur të tjerët sillen si pushtues.
Por, ata që ish- nënkryetari demokrat i quan pushtues, kanë vendosur të mos e njohin më Enkelejd Alibeajn si kryetar grupi”, tha Gjekmarkaj.
Agron Gjekmarkaj tha se nuk pajtohet me realitetin e ri në Partinë Demokratike dhe se distancohet nga sulmet që Berisha ka nisur ndaj ambasadores amerikane Yuri Kim.
