Organizata e menaxhimit të portit te peshkimit Durrës është një shoqëri e krijuar nga shteti shqiptar, ku ushtrojnë aktivitetin e tyre disa nga kompanitë më të mëdha të peshkimit, të cilat kujdesen për portin e ri dhe bëjnë menaxhimin dhe eksportin e produkteve shqiptare, në gjithë botën.
Pjesë e OMPD Durrës janë disa biznesmenë të suksesshëm, mes tyre dhe Gjergj Luca i “Rozafës”, kompania që është kthyer në lider të tregtimit të prodhimeve të detit në Shqipëri, por edhe një ndër eksportuesit më të mëdhenj të tyre.
Emri i tij si pjesë e këtij menaxhmenti është shfrytëzuar nga eksponentë të Partisë Demokratike për të bërë akuza të rreme dhe të pabaza ndaj biznesmenit që numëron me mijëra punonjës në ndërmarrjet e tij, veçanërisht nga Klevis Balliu, i zgjedhur rishtaz në këto zgjedhje si deputet.
Drejtuesit e kompanive që kanë peshkarexha të mëdha dhe ushtrojnë aktivitetin e peshkimit, janë pjesë e Organizatës, në total 10 dhe secili ka 10% të aksioneve.
Pra, sipërmarrës të suksesshëm që nuk kanë përfitim monetar, por vënë në shërbim përvojën e tyre për përmirësimin e sektorit të peshkimit në Shqipëri. Edhe aktiviteti i kompanive që ata drejtojnë nuk është i ndërlidhur, por e vetmja gjë që i bënë bashkë zotëruesit është drejtimi kolegjial i OMPD-Durrës.
Arrestimi i një prej 10 anëtarëve të Organizatës së Menaxhimit të Peshkimit, si i dyshuar për trafik droge, është shfrytëzuar nga Klevis Balliu për të bërë politik me emrin e Gjergj Lucës e për të fituar kredo politike në opinion dhe mes simpatizantëve të PD, në prag të nisjes së Kuvendit të ri.
Balliu e cilëson personin e arrestuar (Dorian Beu) si ortak të biznesmenit të “Rozafës”, por e vërteta është se 46 vjeçari është as më pak dhe as më shumë një nga dhjetë anëtarët organizatë jofitimprurëse që vepron në bazë të kolegjialitetit dhe ku zotëruesit nuk kanë domosdoshmërisht lidhje me njëri-tjetrin.
Për më tepër, Gjergj Luca që nga viti 1991 nuk kanë pasur asnjë ortak në sipërmarrjet që ka drejtuar, as me personin e arrestuar, nuk kanë qenë ndonjëherë bashkëpunëtor biznesi e nuk ndajnë ndonjë njohje të veçantë përveç menaxhimit të përbashkët të OMPD-Durrës.
Sipërmarrësi i “Rozafës” e ka marrë me sportivitet këtë situatë dhe akuzat e pabaza nga Klevis Balliu, ama thekson se betejat politike nuk duhet të ngatërrohen me sipërmarrjen dhe me njerëzit që krijojnë punësim, mirëqenie dhe zhvillim ekonomik.
Gjergj Luca thotë se çdo tentativë për të politizuar figura të biznesit janë goditje jo ndaj individit, por ndaj punës së qindra e mijëra punonjësve që mbështeten nga këto sipërmarrje, ndaj ai kërkon me shumë përgjegjshmëri nga të rinjtë që do të futen në Kuvend për të përfaqësues qytetarët.
Përtej sqarimit zyrtar, ai ka ndarë në rrjetet sociale një video sarkastike duke ironizoi faktin se, ndërkohë që në Tiranë shpërndahen “lajme politike”, në Gramsh ai ka ngritur një fabrikë përpunimi peshku, që ka rikthyer jetën dhe mirëqenien në një zonë prej kohësh të harruar.
