Me sezoni e ri televiziv, vjen edhe sezoni i dytë i “Mirëmbrëma Yje” nga Arbana Osmani. Mbrëmjen e djeshme moderatorja ka publikuar në Instagram promon e emisionit, ku ka zbuluar se këtë herë do jenë në një shtëpi të re. Tashmë “Mirëmbrëma Yje” do të transmetohet në ekranin e televizionit Klan.
“Sezoni i dytë i “Mirëmbrëma yje” nis së shpejti në një shtëpi të re, me më shumë të ftuar, me më shumë të papritura…”
Sipas burimeve të Bordo, Arbana ka propozuar disa alternativa në Klan: një reality show, mandej rikthimin e “Dua të të bëj të lumtur”, por këto projekte nuk morën dot jetë.
Në fund me drejtuesit e Klan kane rënë dakord për t’i dhënë hapësirë për programin që realizon vetë “Mirëmëngjes Yje”.
Gjithashtu gjate verës sipas zërave në Tol Channel, Arbana ka tentuar të rikthehet edhe njëherë në shtëpinë e saj të parë, përpara se të mbyllte akordin me shtëpinë e dytë, e cila në fakt do t’i ofrojë këtë sezon vetëm transmetimin e programit të saj, por ende jo një spektakël të mirëfilltë.
Megjithatë koha është para, dhe do të jemi dëshmitare sesi do të jetë ecuria e saj në ekranin e Klan, i dyti që provon Arbana në karrierën e saj.
