Arbana Osmanin, këtë vit mund ta shohin edhe në drejtimin e Festivalit të Këngës në RTSH! Burime pranë Anabel.al bëjnë me dije se Osmani dhe bashkëshorti i saj Eduart Grishaj mund të jenë në krye të organizimit të festivalit.
Arbana Osmani dhe drejtori i përgjithshëm i RTSH-së, Enkelejd Joti janë miq prej vitesh dhe s’do të ishte surprizë që ky i fundit t’ia besojë festivalin moderatores së njohur.
Nga ana tjetër, Arbana do të drejtojë gjithashtu sezonin e dytë të Big Brother Vip dhe gjërat janë akoma ~të paqarta~ në lidhje me periudhën kohore të projekteve. Kujtojmë se vitin e shkuar, Festivali i Këngës u mbajt në dhjetor dhe përkoi me të njëjtën kohë dhe ditë me Big Brother Vip 1.
Gjithsesi, mbetet për t’u parë ç’do të ndodhë në vijim.
Së fundmi, Arbana dhe Eduarti u bënë prindër të një vajze të quajtur Zoi dhe po shijojnë gëzimin e ri të familjes. Projektet presin!
