Edhe një herë tjetër, episodi i ri i “Mirëmbrëma Yje” nga Arbana Osmani ka arritur të zemërojë një pjesë të madhe të publikut, dhe jo pa arsye.
Në një nga videot e shkëputura që është bërë virale, Arbana u tregon tre të ftuarve: Arian Konomit, Zhakut (Inida Gjatës) dhe Zhaklin Lekatarit një foto të Egla Cenos, personazh për të cilën (s’e dimë pse) të ftuarit duhet të jepnin një mendim.
“Homofobe,” tha Zhaklina, “kjo është idiote komplet,” tha Zhaku, teksa një e qeshur u dëgjua pas, dhe “nuk e njoh,” u shpreh Ariani.
Komente të ngjashme fyese dhe tallëse iu bënë dhe një sëre tjetër personazhesh publike jo prezente në bisedë, dhe meqë asnjë prej të rriturve në atë ambient nuk mendoi se situata e krijuar ishte shumë e shëmtuar, komentuesit në rrjet u siguruan të sjellin pak dozë logjike:
-Aspak profesionale, tha dikush me të drejtë, sepse u nxitën komente fyese dhe tallëse mbi persona të tretë pa praninë e tyre, ndërsa Arbana nuk ndërhyri për të ruajtur respektin dhe etikën në emision.
Shumë u shprehën të zhgënjyer prej Arbanës dhe këtij edicioni të programit të saj:
Të tjerë adresuan shëmtinë e momentit të krijuar:
Dhe disa evidentuan “fiksimin e Arbanës me Top Channel-in”:
Kjo nuk është hera e parë që sezoni i dytë i “Mirëmbrëma Yje” bëhet pjesë e polemikave. Që me të ftuarit e parë, princ Lekën dhe Blerta Celibashin, kritikat për Feron si të ftuar në emision, kunjat mes Arbanës dhe Elsa Lilës, te nxitja e krahasimeve mes saj dhe Ledion Liços para Ben Blushit, dhe deri te momenti i djeshëm. Mund të jetë arritur viraliteti, por me çfarë kosotoje?
