Formati shumë i ndjekur nga publiku shqiptar “Big Brother VIP 5” në Shqipëri pritet të startojë këtë edicion të ri më 20 Dhjetor dhe në media po qarkullojnë emrat e konkurrentëve të mundshëm, të cilët do të futen të parët në shtëpinë me të famshme.
Së fundmi, është publikuar një listë me 14 personazhe, të cilët aludohet se të gjithë janë të konfirmuar si konkurrentë zyrtarë, ndërkohë që po përflitet dhe për moderatoret Enxhi Nasufi (edhe këngëtare) dhe Neada Muçaj.
Ato kanë qenë në qendër të vëmendjes mediatike ditët e fundit, për shkak të një konflikti të përfolur në ambientet e televizionit kombëtar Top Channel. Dy vajzat mohuan publikisht sherrin, por një ditë më pas nuk u panë më në vendin e punës.
Më poshtë, lista me katërmbëdhjetë emrat e personazheve që përflitet se janë konkurrentët zyrtarë të “Big Brother”:
1. Kristi Lamaj (Këngëtar).
2. Hilda Kërtalli (Content Creator).
3. Renee Reffo (Content Creator).
4. Vitmar Basha (Këngëtar dhe instrumetist).
5. Robert Aliaj Dragot (Artisti i njohur dhe babai i ish-finalistit Kristi).
6. Anxhela Martini (Modelja e famshme, ndonëse mbetet një emër me pikëpyetje për shkak të jetesës luksoze).
7. Juxhin Plovishti (Aktori i humorit në “Portokalli”).
8. Ardi Murataj (Moderator).
9. Sabina Mete (Moderatore).
10. Ina Pashollari (Moderatore).
11. Lore (Lorela Karoshi) (Këngëtare).
12. Valer Kolnika (Ish-banor i “Big Brother” të thjeshtë).
13. Kleoniki Delijorgji (Modele dhe ish-Miss).
14. Jori Mersini (Merret me fushën e imobiliareve).
Vetë produksioni nuk ka konfirmuar asnjë nga emrat e mësipërm, përveç këngëtarit Shpat Kasapi, i cili u nda nga jeta pak ditë më parë në moshën 40 vjeçare, si pasojë e një sulmi në zemër. Televizioni i shprehu ngushëllimet familjes dhe njoftoi se ai ishte konfirmuar zyrtarisht si konkurrent.
