Sezoni i tretë i “Big Brother Vip Albania”, pritet të startojë me 13 janar 2024, dhe “ethet” e zbulimit te emrave te banoreve, vazhdojne. Se fundi, flitet se dyshja vjehrrë-nuse Shegushe Zeqiraj- Ekaterina Dubenik, qe u bënë të njohura falë videove gazmore ne Tik Tok, mund te jene pjese e formatit.
Sipas “Iconstyle” dyshja i ka thënë “Po” ftesës së formatit, teksa ende nuk ka konfirmime.Po e njëjta media shkruan se edhe Meri Shehu dhe Zamira Kita do jenë pjesë e programit.
Bashke me BBV Albania do të fillojë edhe “Big Brother Fan Club”, në të cilin bëhen përmbledhjet javore. Prej kohësh në rrjet po përflitet se Efi Dhedhes është një ndër pretendentet që po flitet se do të moderojë spektaklin, megjithëse një lajm i tillë akoma nuk është konfirmuar.
Një tjetër pretendente u aludua se mund të jetë edhe moderatorja Kiara Tito, megjithëse mesa duket ajo e ka të pamundur që të moderojë një spektakël pasi është shtatzënë dhe do të shkëputet nga ekrani për disa kohe.
