Forumi Rainbow Europe, i cili rendit 49 vendet europiane nga një shkallë 0% (shkelje të rënda të të drejtave të njeriut, diskriminim) në 100% (respektim i të drejtave të njeriut, barazi e plotë), ka publikuar raportin vjetor të përpiluar nga organizata ILGA-Europe.
Malta mbetet vendi më i mirë në Europë për të drejtat LGBT+. Shoqata tha se Malta ka ruajtur politikat, ligjet dhe praktikat më të mira që diskriminojnë më pak komunitetet LGBT+. Malta kryeson tabelën që prej vitit 2016 (92%).
Ndërkohë, Azerbajxhani, Turqia, Rusia dhe Armenia u vlerësuan si vendet më të këqija europiane për mbrojtjen e të drejtave LGBT+. Polonia, Bullgaria dhe Rumania u përmendën si vendet më të këqija anëtare të BE-së për politikat e të drejtave të homoseksualëve.
Shqipëria renditet në vendin 28 nga 49 gjithsej (32%). Sipas raportit, në vendin tonë:
– mbrojtësit e të drejtave të LGBT+ nuk janë në rrezik
– nuk ka ligje që kufizojnë lirinë e shprehjes
– shoqatat funksionojnë dhe nuk ka asnjë pengesë për lirinë e shprehjes
– ekziston ligji për krimet dhe gjuhën e urrejtjes
– vlerësohet punësimi, edukimi, shërbimet
Për të përmirësuar situatën ligjore dhe politike të personave LGBT+ në Shqipëri, ILGA-Europe rekomandon miratimin e masave ligjore për njohjen dhe mbrojtjen e çifteve të të njëjtit seks, si p.sh. partneriteti i regjistruar.
