Çmimet e apartamenteve janë ulur këtë vit, për shkak të kredive të rritura në këtë vit krize.
Në Shqipëri, të dhënat flasin për rritje me 40% brenda 6 muajve, por nuk përjashtohet mundësia që ato të ulen në periudhë afatshkurtër.
Rritja e normës së interesit nga Banka e Shqipërisë mund të sjellë ndryshime në tregun e pasurive të paluajtshme.
Kërkesa për të blerë një apartament mund të ulet, pasi çmimet e kredisë do të jenë më të larta në banka. Për pasojë edhe çmimet e banesave mund të pësojnë ulje.
Në tregun shqiptar, dhe veçanërisht në Tiranë, ku kërkesë-oferta është më e madhe, regresi i çmimeve mund të mos jetë i largët, nëse shohim prirjen në tregjet ndërkombëtare.
Në disa prej ekonomive të mëdha, Kanada, Suedi, Kinë, Australi e SHBA shtëpitë po kushtojnë më pak se në fillim të vitit. Normat e interesit janë dyfishuar deri në 7%, janë bërë arsye e fortë për t’u tërhequr nga blerjet.
Vendimet e Bankave qendrore po japin efektin e pritshëm, por në Shqipëri dhe shumë vende të tjera ky treg vazhdon të ecë me ritëm rritjeje.
Të dhënat tregojnë se këtë vit çmimet e apartamenteve janë shtrenjtuar me 40%, sikundër janë shtuar edhe lejet ndërtimore.
Rritja e normës së interesit synon reduktimin e kredimarrjes, por kjo nuk ka dhënë ende një efekt të tillë.
