Dafina ka bërë repost një foto me Feron dhe kemi ca teori:
1. Janë me pushime bashkë
2. Janë takuar krejt rastësisht dhe kanë bërë foto
3. Do na sjellin një bashkëpunim
Sigurisht që dy të parat qëndrojnë, por që ka shumë gjasa që mund të ketë një bashkëpunim, meqë është edhe verë. Ju do thoni që Dafina është në pritje të një bebushi, por që ajo na e ka premtuar një bashkëpunim. Mbase s’ju mbahet mend, por ja ku jemi ne, duke ju rikujtuar deklaratën e saj para se të mbante koncertin e fundit.
“Këtë të shtunë (në maj kjo histori) kam koncertin e fundit për një kohë (të pacaktuar). Kam pak emocione, se s’e di kur do kthehem prapë për të performuar live, ama projektet nuk do të ndalen. Ka shumë të mira rrugës, 1 surprizë shumë të bukur për këtë verë (për të tjerat s’po flas, po ia lë kohës). Mezi po pres të kënaqemi bashkë edhe një herë live – deri herës tjetër. Ju dua shumë”, u shpreh Dafi, ndaj ja pra, gjatë verës do ta sjellë një surprizë.
