Projekti me shumë dritë-hije i Portit të Durrësit ka disa ditë që është në qendër të vëmendjes mediatike, pasi gazetarët kanë denoncuar faljen e 820 mijë metër katror truall shtetëror për rezidenca, kulla e hotele dhe kanë ngritur dyshimet se pas këtij projekti qëndron afera më e madhe korruptive në historinë e Shqipërisë.
Kjo temë është diskutuar edhe mbrëmjen e djeshme në emisionin “Pa Protokoll”, ku ka patur një debat të ashpër mes të ftuarve.
Deputeti i PS-së, Alban Xhelili ka deklaruar se qytetarët e Durrësit nuk janë të denjë për të jetuar tek aprtamentet e “Marinas” që do të ndërtojë Alabbar në qytetin bregdetar. Sipas tij, aty do të kushtojë 500 mijë euro një apartament.
Debati:
Igli Cara: Me 33% na takojnë goxha. Ti marrim këto 4 mijë apartamente dhe të bëjmë një dhurim për familjet e reja.
Alban Xhelili: Ti do ishe dakord që të faleshin në një zonë të tillë që është zonë krenarie për qytetin e Durrësit. Për familjet e pastreha…
Bledian Koka: Pse ç’kanë?
Alban Xhelili: Për to do bëjmë një qytet
Bledian Koka: Pse nuk janë të denja për Marinën, do i çoni në “getto”? Këtë vlerësim ke për qytetarët e tu?
Alban Xhelili: Ata qytetarë i mendoj përditë. Ofendohen kur të dëgjoj ty. As ti edhe unë nuk jemi të denjë për të qenë tek Marina.
Bledian Koka: Po normale se jam i ndershëm, ju i ndani qytetarët. Këtë do ta nxjerr unë nesër, të shohin ç’mendon ke për qytetarët e tu. Ti the që qytetarët e Durrësit nuk janë të denjë për Marinën…
Alban Xhelili: Po nuk i fusim dot.
Bledian Koka: Pse?
Alban Xhelili: Sepse vlen 500 mijë euro një ndërtesë
Bledian Koka: Po është toka e tyre more
