Djegia vaginale pas seksit mund të shkaktohet prej arsyeve të ndryshme. Shkaktarët më të zakonshëm përfshijnë infeksionet e traktit urinar, reaksionet alergjike ndaj lubrifikantëve ose prezervativëve, si dhe ndjeshmërinë e lartë të lëkurës.
Ja disa nga faktorët kryesorë që mund të shkaktojnë djegie vaginale pas seksit:
1. Mund të jetë pasojë e lodrave të seksit
Materiali i tyre është ajo çfarë mund t’ju shkaktojë acarim të lëkurës e ndërsa një tjetër arsye mund të jetë dhe higjiena e tyre. Ndoshta s’po i lani siç duhet dhe përpiquni të përdorni sapunë apo locione që s’përmbajnë asnjë lloj arome.
2. Pasojë e detergjentëve të rrobave
Enzimat, përbërësit, aromat dhe gjithë kimikatet e tjera mund të shkaktojnë në mënyrë direkte reaksion alergjik, djegie ose kruajtje.
3. Mund të jenë të brendshmet tuaja
Materiali i mbathjeve është një tjetër faktor që ndikon në djegien e vaginës. Jo vetëm që disa materiale të caktuara janë të parehatshme dhe jo miqësore me lëkurën, por mund të shkaktojnë krijimin e baktereve dhe rritjen e tyre.
4. Pasojë e stresit
Stresi ndikon në shumë funksione të trupit, përfshi këtu hormonet dhe si rezultat edhe tharjen vaginale. Kur kryeni marrëdhënie pa lubrifikimin e nevojshëm, kjo thatësi mund të shkaktojë ndjesi djegieje në vaginë.
5. Mund të jetë prej tamponëve
Nëse s’e vendosni siç duhet apo e fusni më thellë mund të keni një ndjesi diegieje vaginale.
6. Kujdes me produktet që po përdorni
Jo sapun në vaginë! Kujdes dhe me locionet që përdorni pasi pH-i juaj ka nevojë për balancë.
7. Mjetet mbrojtëse ose lubrifikantët
Sidomos nëse lëkura juaj është e ndjeshme.
8. Sperma
Ndodh rrallë, por edhe sperma mund të shkaktojë alergji tek vagina juaj, prandaj nëse është kjo sigurohuni të merrni masa.
9. Ndryshimet hormonale
Sidomos gjatë menopauzës, nivelet e estrogjenit nisin të ulen dhe një nga pasojat është thatësia vaginale. Barnat, aktiviteti seksual i rregullt dhe stimulimi vaginal mund të ndihmojnë në zgjidhjen e këtij problemi.
