Një zyrë e re e Pentagonit, ndërtesa e selisë së Departamentit të Mbrojtjes së Shteteve të Bashkuara, e ngritur për të gjurmuar raportet e objekteve të paidentifikuara fluturuese (UFO) ka marrë “disa qindra” raporte të reja, por asnjë provë deri më tani për jetën aliene, u është raportuar gazetarëve.
Zyra për zgjidhjen e anomalive të të gjithë domeneve (AARO) u krijua në korrik dhe është përgjegjëse jo vetëm për gjurmimin e objekteve të paidentifikuara në qiell, por edhe nën ujë ose në hapësirë.
Zyra u krijua pas më shumë se një viti vëmendje ndaj objekteve fluturuese të paidentifikuara që pilotët ushtarakë kanë vëzhguar, por ndonjëherë kanë hezituar t’i raportojnë për shkak të frikës nga stigma.
AARO u krijua jo vetëm për të shqyrtuar çështjen nëse ka jetë jashtëtokësore, por edhe rrezikun e sigurisë që vjen nga kaq shumë objekte të panjohura fluturuese nga instalimet ushtarake apo avionët ushtarakë.
Pavarësisht nëse objektet janë apo jo të huaja apo bëhet fjalë për teknologjinë potencialisht e re që po krijohet në Kinë, Rusi ose një ndonjë vend tjetër të mundshëm – e panjohura krijon një rrezik sigurie, kanë thënë ekspertët amerikanë.
Deri më tani, është ende herët për të folur për ekzistencën e jetës aliene, thotë ata.
