Einxhel Shkira do të jetë e ftuar në emisionin moderatores Bora Zemani, “Cherry on Top”.
Për shumë kjo ka qenë një befasi, duke patur parasysh raportin e saj me Donald Veshajn, i cili prej vitesh është partneri i Bora Zemanit.
“Besoj që ka shumë njerëz që do të habiten me praninë time”, tha Einxhel pas prezantimit në studio.
Në një video të shkurtër të “promo”-s, Bora i tha se Donaldi i ka shkruar një letër.
“Donaldi të ka shkruar një letër”, iu drejtua ajo.
Einxhel nga ana tjetër i thotë: “Nuk e përballoj dot, një sekondë”.
Einxhel dhe Donaldi kanë qenë të përfshirë në debate të ashpra gjatë “Big Brother VIP Albania”, duke e akuzuar njëri-tjetrin për kohën që punonin bashkë.
Fansat kanë theksuar edhe faktin se ajo është shoqe e ngushtë e Triksës.
Ajo ka qenë pjesë e ekipit në emisionin e vëllezërve Veshaj, Donaldit dhe Romeos.
