ryeministri Edi Rama po zhvillon një vizitë në Jeruzalem të Izraelit, e cila ka nisur prej 25 janarit dhe do të mbyllet ditën e martë, më 27 janar. Pjesë e delegacionit të shefit të qeverisë shqiptare është edhe drejtoresha e SHISH, Vlora Hyseni. Zonja Hyseni ka zhvilluar takim me kryeministrin izraelit Benjamin Netanjahu, para se Netanjahu të jepte një deklaratë për shtyp bashkë me kryeministrin Rama.
Vlora Hyseni ka zhvilluar takime edhe me krerët e shërbimit izraelit, Mossad, një nga shërbimet partenre dhe më bashkëpunuese të Shërbimit Informativ Kombëtar të Shqipërisë. Shërbimi Sekret Izraelit për Operacionet e Jashtme renditet një nga shërbimet sekrete më efikase në botë. Mossad u krijua në vitin 1949, një vit pas shpalljes së Shtetit të Izraelit dhe luftës së parë arabo-izraelite. Ai mbështetet nga shërbimet sekrete ushtarake (Aman) dhe nga kundërspiunazhi dhe siguria e brendshme (Shin Beth).
Protagonist në vitet 1950 dhe 1960 për gjetjen e kriminelëve nazistë, Mossad kreu shumë aksione kundër terroristëve palestinezë, si operacioni “Zemërimi i Zotit”, gjetja e anëtarëve të ”Shtatorit të Zi” përgjegjës për masakrën e atletëve izraelitë në Lojërat Olimpike të Mynihut në 1972, por edhe për eliminimin e 30 gjeneralëve iranianë, eliminim e krerëve të Hamasit dhe dhjetëra operacione të tjera për asgjesimin e grupeve dhe personave të kosideruar si rrezik për sigurinë e Izraelit.
