Heidi Baci është tashmë një nga personazhet më të dashur të publikut. Ajo u bë e njohur nga pjesëmarrja e saj në “Grande Fratello” dhe “BBV Albania”. Prej disa kohësh Heidi është zhvendosur nga Milano në Tiranë dhe është ende pjesë e televizionit, pasi i janë besuar në moderim disa emisione.
Historia e saj e dashurisë me Romeo Veshajn ishte një ndër më të përfolurat, histori e cila nuk zgjati shumë pas daljes së tyre nga “BBV”. Edhe pse ka pasur disa aludime se ata gjatë kësaj periudhe kanë pasur rikthime bashkë, nuk kanë dashur të tregojnë më shumë për publikun e tani mesa duket secili vazhdon jetën e tij.
Së fundmi Heidi po shijon pushimet në jugun e Shqipërisë, por jo me shoqet e saj. Bukuroshja ka publikuar në Instagram foto krah një djali shumë simpatik teksa darkojnë së bashku. A është kjo një një romancë e re e saj, apo thjeshtë disa foto pikante për të xhelozuar ndonjë, ndoshta Romeon?
