Beniada u bë një nga figurat më të dashura për publikun shqiptar gjatë qëndrimit në “Big Brother VIP”, por së fundmi ajo është përballur me kritika nga ndjekësit e saj, pasi nuk mbajti zi në Instagram për vdekjen e ish-presidentit Bujar Nishani.
Me një Instastory ajo ka sqaruar se ish-presidenti është kushuriri i babit të saj dhe nuk ka patur kurrë fati ta takojë nga afër, ndërkohë që ka theksuar se dhimbja nuk shprehet në Instagram.
Teksa një nga ndjekësit i shkruan, “Beniada sido që të keni shkuar me familjen e xhaxhi Bujarit t’i duhet ta kishe nxjerrë te faqja jote se ai është gjaku jot, mos i humb vlerat që ke marrë”, Beniada sqaron:
“Me shumë dashuri dua t’ju tregoj se respekti dhe dhimbja për një person që nuk është mes nesh, nuk tregohet nga Instagrami. S’e kam pasur fatin asnjëherë ta njoh nga afër, nuk ishte xhaxhai im, por kushëriri i babit. Mendoj se komentet në këto raste është më mirë t’i mbani për vete. Çdo gjë që unë publikoj është pjesë e punës time. faleminderit për mirëkuptimin, ju kam shumë xhan”.
