Është një mit që femrat humbasin interesin për seksin kur hyjnë në moshën e mesme dhe më tej. Ky është rezultati i një hulumtimi ku u studiuan më shumë se 3200 gra për rreth 15 vjet.
“Rreth një e katërta e grave e vlerësojnë seksin si shumë të rëndësishëm, pavarësisht nga mosha e tyre,” tha Dr. Holly Thomas, autorja kryesore e studimit.
“Studimi tregoi se një numër i konsiderueshëm i grave ende e vlerësojnë shumë seksin, edhe pse ato rriten dhe nuk është aspak anormale,” tha më tej ajo.
Është e vërtetë që studimet e kaluara kanë zbuluar se femrat kanë tendencë të humbasin interesin për seksin ndërsa plaken.
“Disa nga studimet e mëparshme kishin sugjeruar që seksi shkon drejt greminës dhe të gjitha gratë humbasin interesin për seksin ndërsa rriten,” tha Thomas. “Kjo me të vërtetë nuk është lloji i historisë që dëgjoj nga të gjithë pacientët e mi,” shtoi ajo.
Si ndryshojnë ndjenjat për seksin me kalimin e kohës?
Hulumtimi, i cili analizoi të dhënat nga një studim kombëtar i quajtur SWAN, ose Studimi i Shëndetit të Grave në mbarë vendin, gjeti tre rrugë të dallueshme në ndjenjat e një gruaje për rëndësinë e seksit.
Rreth një e katërta e grave (28%) ndoqën të menduarit tradicional mbi këtë temë. Ato e vlerësonin më pak seksin gjatë viteve të moshës së mesme.
Megjithatë, një e katërta tjetër e grave në studim tha pikërisht të kundërtën. Rreth 27% e tyre thanë se seksi mbetet shumë i rëndësishëm gjatë të 40-ave, 50-ave dhe 60-ave të tyre, – një kontradiktë befasuese e besimit se të gjitha femrat humbasin interesin për seksin ndërsa plaken.
“Seksi do të duket ndryshe,” tha Faubion, drejtore e Qendrës Mayo për Shëndetin e Grave. “Nuk do të duket njësoj në të 40-at edhe në të 20-at. Nuk do të duket njësoj në të 60-at edhe në të 40-at dhe nuk do të duket njësoj si në të 80-at edhe në të 60-at”, tha ajo.
Gratë në studim që vlerësonin shumë seksin ndanin karakteristikat e mëposhtme: Ato ishin më të arsimuara, ishin më pak të stresuara dhe kishin përjetuar kënaqësi më të mëdha seksuale përpara se të hynin në moshën e mesme.
“Gratë që bënin seks më të kënaqshëm kur ishin në të 40-at kishin më shumë gjasa të vazhdonin ta vlerësonin shumë seksin ndërsa rriteshin”, tha Thomas.
Mund të ketë gjithashtu faktorë socio-ekonomikë në lojë. Për shembull, gratë më të arsimuara mund të kenë të ardhura më të larta dhe të ndjehen më të qëndrueshme në jetën e tyre me më pak stres.
“Prandaj ato kanë më shumë hapësirë ??për ta bërë seksin një prioritet sepse nuk shqetësohen për gjëra të tjera,” tha Thomas.
