Aktivistja Evi Kokalari ka reaguar sërish ashpër ndaj Sali Berishës duke thënë se keu i selisë blu nëse do t’i kishte qëndruar besnik bisedës që kanë bërë përpara foltoreve, sot do të ishte kryeministri i sapo zgjedhur i shqiptarëve.
Evi Kokalari shkruan në rrjete sociale se Sali Berisha tashmë ka humbur zgjedhjet, madje dhe “non grata” nuk iu hoq. Kokalari e quan Sali Berishën humbës në të gjitha frontet.
Më herët gjatë ditës së sotme, Kokalari akuzoi Berishën për humbjen duke thënë se faji nuk është tek manipulimet e Edi Ramës, por tek mënyra se si është udhëhequr Partia Demokratike.
“Nëse Sali Berisha do t’i kishte ndenjur besnik asaj çfarë diskutuam përpara foltoreve, sot do të ishte kryeministri i sapo zgjedhur. Tashti, humbi dhe zgjedhjet dhe non-grata nuk iu hoq. Humbës në të gjitha frontet”, shkruan ajo.
Ajo ka ironizuar edhe Çim Pekën, që thotë se humbën prej Altin Dumanit.
“Çim mëncuria thotë se fajin e ka SPAK dhe se ajo u krijua që Rama të fitojë mandatin e katërt.
Ndërkohë në paraburgim janë Veliaj, Meta dhe në kërkim është Arben Ahmetaj, të gjithë socialist.
Strategu i Hasit realisht ka nevojë të jap dorëheqjen nga Syri dhe të zhduket nga skena se realisht na e keni shpifur me katunarizmat si në pamje ashtu dhe në llogjikë.
Për të mos thënë që ky vet ka negociuar Kullën e Malit me Veliajn dhe ishte pjesë e shitjes së zgjedhjeve të 2023.
Sa të pafytyrë që jeni !!
Shqiptarët s’janë budallenjë dhe SPAK është e vetmja gjë pozitive që i ka ndodhur politikës shqiptare këto 33 vite dhe së shpejti bën mirë ti hedh sytë dhe nga stacioni i propagandës dhe disinformimit të Shqiptarëve që është Syri”, shkruan ajo.
