Sekretari i Përgjithshëm i Partisë Demokratike, Flamur Noka ka reaguar ashpër lidhur me protestën e një nate më parë ku protestues dhe deputetë të kësaj force politike u përplasën fizikisht me efektivët e Policisë.
Postimi i Nokës:
Kush propagandon kundër shqiptarëve që protestojnë mbetet ushtar i një regjimi antidemokratik, rrogëtar i krimit të organizuar dhe narkotrafikut.
Nuk janë burra më të mirë ata që bëjnë sehir e shajnë opozitën kur vendi shpopullohet, rinia ikën dhe paraja e pistë bën ligjin.
Komentet e disa patronazhistëve janë “plumb” për armikun e tyre imagjinar. Ne nuk jemi armiku i brendshëm. Ata janë armiku i vetes dhe i arsyes.
Janë armiku i të rinjve që larguan për shkak të urrejtjes patologjike që kanë ndaj opozitarizmit dhe pluralizmit politik.
Lavazhi i trurit ka bërë të vetën. Janë të pashpresë, si regjimi që i servilosen prej frikës.
Nderim qytetarëve që protestojnë!
Dt. 20 shkurt përpara kryeministrisë
