Sali Berisha i ka dhënë zë sot disa portaleve që publikojnë prej ditësh një lajm se shefja e shërbimit sekret shqiptar Vlora Hyseni, ndodhej prej 10 ditësh në Beograd.
Lajmi është publikuar më 29 maj.
Në të thuhej që Hyseni prej 10 ditësh ishte në Serbi.
Por këto pamje filmike të datës 22 maj, tregojnë se Hyseni ishte në Tiranë.
Ajo u shfaq në rastet e rralla në publik në ceremoninë e prezantimit të nisjes së stërvitjes ushtarake “Defender Europe 2023” të NATO-s, pjesë e të cilës është edhe Shqipëria.
TCH u interesua pranë autoriteteve për të mësuar se ku ndodhet Vlora Hyseni dhe përgjigjia nga disa burime është se shefja e shërbimit sekret nuk është dhe nuk ka qenë në Serbi.
