Ndërsa presidenti i Ukrainës, Volodymyr Zelenskiy po mbante një video mesazh drejtuar parlamentin estonez dhe presidenti i Estonisë ishte drejtuar drejt Kievit, jashtë ambasadës ruse në Tallin, u zhvillua një protestë kundër abuzimit të grave dhe fëmijëve në Ukrainë, nga forcat ruse.
Një grup vajzash rrethuan godinën e ambasadës, gjysmë të zhveshura me duar të lidhura, kokën të mbuluar me qese të zeza ndërsa trupin e kishin lyer me bojë të kuqe, në shenjë proteste për dhunën e ushtruar nga forcat ruse.
“Ushtarët rusë po marrin peng dhe po vrasin gra e fëmijë të pafajshëm në Ukrainë. Njerëzit që mbështesin këtë luftë, mbështesin gjithashtu edhe krimet e luftës. Ky është mesazhi ynë për mbështetësit e regjimit të Putin në Rusi, Estoni dhe kudo” thuhej në një deklaratë të protestuesve.
