Këngëtarja Greta Koçi bëhet nënë për herë të parë, duke sjellë në jetë djalin e saj. Ajo ndau lajmin me ndjekësit përmes një postimi në Instagram.
“Sot u bekova me një djalë. Asnjë sukses dhe arritje në jetën time nuk u krahasoka me këtë moment. Është dita më e bukur e jetës sime! Faleminderit Zotit dhe të gjithë ekipit mjekësor në Amsterdam”, shkroi ajo në foton ku shihet dora e saj dhe e bebit.
Greta bëri me dije në shtator të 2023-shit se ishte në pritje të ëmbël. Ajo publikoi një video në Instagram, ku shkroi: “Në pritje të ëmbël…më e lumtur se kurrë”.
Këngëtarja prej vitesh është larguar nga Shqipëria dhe ka kurorëzuar dashurinë e saj me partnerin.
