Heidi Baci festoi ditëlindjen, mes lulesh, dedikimesh të ëmbla dhe momentesh romantike me partneri e saj, Romeo Veshajn. Megjithatë, një postim në Instastory na ra në sy, pasi ish-banorja e “BBVA 3”, publikoi një video që tregon se mund të jetë fejuar.
Në videon në fjalë, Heidi vendos dorën e saj mbi atë të Romeos, duke na treguar edhe një unazë që shkëlqen. Thjesht “Të dua” shkroi Heidi dhe nuk dihet ende nëse çifti e ka ndërmarrë një hap të tillë.
Gjithashtu, Romeo i dedikoi edhe një mesazh të ëmbël të dashurës, duke shkruar: “Edhe 100 vite të qeshura, vajza me flokët e arta! Të dua, edhe kur s’ta them”, shoqëruar me një emoji me zemër të kuqe.
Heidi ka folur më parë për një dasmë të mundshme, duke thënë se e pret një propozim, gjatë intervistes së saj në “Top Arena”, ku u shpreh se është shumë e dashuruar dhe se ajo dhe Romeo nuk ndahen dot nga njëri-tjetri.
