Flori Mumajesi është një ndër emrat më të rëndësishëm të muzikës shqiptare në vitet e fundit.
Por, ndërsa ka bërë dhjetëra këngë që janë kthyer n ëhite, Flori ka ruajtur një profil të ulët në publik.
Ai nuk shfaqet pothuajse fare në media dhe e ka mbajtur larg publikut jetën e tij personale.
Për këtë arsye, gjithmonë ka pasur kuriozitet për jetën e tij.
Prej disa vitesh ai thuhet se është në një lidhje me moderatoren nga Kosova, Liberta Spahiu.
Kjo është arsyeja, që thuhet se e shtyu atë të transferohej në Prishtinë, ku jeton fare pranë shtëpisë së Libertës.
Por pas një marrëdhënie plot ulje-ngritje, thuhet se për momentin ata janë ndarë, për të kaluar një periudhë reflektimi.
E pyetur kohë më parë se kush është Flori në jetën e saj, Liberta Spahiu u përgjigj: “Është një gjeni për atë që bën”. Ndërsa pyetjes tjetër nëse mund të jetë ajo një nuse në Tiranë, iu përgjigj: “Po, pse jo”.
Por, a do të ndodhë kjo ndonjëherë? Kjo mbetet të shihet.
