Kayan, djali i Erion Veliajt, feston sot ditëlindjen e tij të shtatë dhe ndryshe nga vitet e kaluara ku qirinjtë e tortës i ka fryrë së bashku me të ëmën dhe të atin, ky shtatë vjetor e ka gjetur ndryshe.
Por, një urim nga larg nuk ka munguar nga i ati. Ish-kryebashkiaku Erion Veliaj, përmes rrjeteve të tij sociale e ka uruar publikisht birin e tij të vogël dhe i ka kërkuar falje për faktin që në këtë ditë kaq të rëndësishme për të nuk është pranë tij për ta përqafuar dhe për t’ia përcjellë urimet nga afër.
Kayan erdhi në jetë në 6 tetor të 2018 ku çifti Ajola Xoxa dhe Erion Veliaj u bekuan dhe u bënë prindër për herë të parë. Ata vendosën ta quajnë Kayan, pasi siç tha dhe babi Erioni asokohe është një emër tipik shqiptar.
