Një hulumtim i fundit i Universitetit të Osakës ka dalë në përfundimin se, të shtrihesh për të fjetur pa larë dhëmbët në darkë, përbën një potencial të lartë për t’u prekur nga sëmundjet e zemrës, madje mund të çojë deri në vdekje të papritur.
Në hulumtimin e kryer në Universitetin e Osakës në Japoni, u përzgjodhën 1675 persona. Pjesëmarrësit u ndanë në katër grupe: ata që i lajnë dhëmbët dy herë në ditë në mëngjes dhe në mbrëmje; ata që i lajnë dhëmbët vetëm gjatë natës; ata që i kanë larë vetëm në mëngjes dhe ata që nuk i kanë larë fare.
Studiuesit morën gjithashtu parasysh moshën, gjininë dhe historinë e pirjes së duhanit të pjesëmarrësve. Përveç kësaj, të dhënat shëndetësore të pjesëmarrësve u ekzaminuan nga studiuesit.
Hulumtimi u përqendrua në sëmundjet kardiovaskulare si dështimi i zemrës, aritmia, sulmi në zemër, dhimbje gjoksi dhe valvula e zemrës që kërkon kirurgji.
Ata që lanë dhëmbët dy herë në ditë dhe vetëm natën, kishin përqindje dukshëm më të lartë të mbijetesës së sëmundjeve kardiovaskulare, sesa ata që nuk i lanë fare.
Sipas rezultateve të hulumtimit, larja e dhëmbëve vetëm në mëngjes është e pamjaftueshme dhe larja gjatë natës është jashtëzakonisht e rëndësishme për shëndetin. Rezultatet e hulumtimit u publikuan në revistën “Scientific Reports”.
