Jennifer Lopez nuk ka fare turp të na tregojë se ç’bën në krevat, pavarësisht dëshirës sonë për të mos e ditur (mbase). Këngëtarja foli në mënyrë provokuese për jetën intime gjatë një performance në Lucca Summer Festival në Itali. Në një moment befasues gjatë koncertit, ajo i tregoi publikut për dëshirat e saj të ndryshme në dhomën e gjumit, u shpreh një burim.
“Duhet të jem e sinqertë me ju, ndonjëherë më ndryshon humori gjatë natës. Nuk e di për ju, por mua po dhe ndonjëherë më pëlqen seksi i fuqishëm”, tha ajo, sipas US Sun.
Më tej, shtoi:
“Ka raste që ndihem më romantike. Vendos qirinj dhe muzikë të lehtë. Në ato ditë, më pëlqen që gjithçka të jetë shumë e ngadaltë”.
Por, ka ditë që ndihet shumë e guximshme, sidomos kur jashtë është vapë.
“E keni pasur ndonjëherë atë ndjesi? Kur doni të silleni keq? Në ato ditë, më pëlqen seksi shumë i shpejtë”, tha ajo.
Sipas të njëjtit burim, J.Lo, këndoi gjithashtu këngën e saj të re, “Up All Night”, e cila duket se është një thumb ndaj ish-bashkëshortit të saj, Ben Affleck.
Një burim për US Sun tha se ajo “ka shkruar dhe regjistruar mjaftueshëm këngë për një album të ri”, ndaj e presim!
“Materiali është frymëzuar nga ajo që ka përjetuar gjatë marrëdhënies me Ben-in”, rrëfeu burimi, duke shtuar se kjo është një epokë e re për të dhe se këngëtarja nuk ka në plan të përmbahet.
Këngëtarja e “On the Floor” më herët bëri shaka për katër martesat e saj që kanë përfunduar në divorc, gjatë një performance tjetër në Europë këtë muaj.
Ajo iu përgjigj një pankarte në koncert ku shkruhej: “J.Lo, do martohesh me mua?”. Jennifer, duke qeshur tha: “Mendoj se i kam larë duart me këtë punë. E kam provuar ca herë”.
