Prokuroria e Posaçme kundër Korrupsionit dhe Krimit të Organizuar (SPAK), i sekuestron 5512 m2 truall Artan Gaçit, bashkëshortit të ish-ministres Olta Xhaçka.
Mësohet se kjo sekuestro preventive është vendosur pasi po hetohet për falsifikim të aktit të marrjes së tokës në pronësi.
Kjo sipërfaqe rezulton të jetë një pjesë e tokës me të cilën Artan Gaçi ka fituar statusin e investitorit strategjik pak kohë më parë.
Kujtojmë se Artan Gaçi u mor edhe në pyetje disa ditë më parë pas kallëzimit të kryetarit të zgjedhur të bashkisë Himarë, Fredi Beleri.
Kryebashkiaku i zgjedhur i Himarës, Fredi Beleri e kallëzoi Gaçin dhe kryebashkiakun Jorgo Goro në SPAK për këtë truall.
