“Kam një vit pa puthur vajzën”. Kjo ishte deklarata e ish-bashkëshortit të Rudina Dembacajt që bëri xhiron e rrjetit, ndërsa të shumta ishin reagimet. Në lidhje me këtë deklaratë ka reaguar aktorja e njohur Dembacaj, e cila nuk zgjodhi ta komentonte drejtpërdrejtë, por e cilësoi si diçka vetëm për t’u bërë lajm.
E pyetur në emisionin “E Diell”, në rubrikën “S’e luan as topi”, Rudina la të kuptohet se emri i saj po përdoret nga ish-bashkëshorti që ky i fundit të tërheqë vëmendjen e mediave.
“Zemra ime kur një person meriton të bëhet lajm nuk duhet të citohet emri i Rudina Dembacaj që lajmi të lexohet. Nëse dikush është personazh publik dhe prodhon lajme le ti prodhojë”, i tha ajo gazetarit.
Më herët, Aleksandër Varfaj tha se nuk ka kontakt me vajzën e tij, Viktorian dhe se ka një vit që nuk e ka takuar. “Një vit pa të puthur. Do të rritesh e do të sqaroj gjëra që nuk ia uroj askujt. Më ka marrë malli”, shkruante ai krah një fotoje me të voglën.
