Kandidatja në primare për Bashkinë e Tiranës, Adriana Kalaja prezantoi sot para demokratëve platformën e saj.
Kalaja tha se do t’i shkojë deri në fund motos së saj se Tiranës do i vë tritolin për të hedhur në erë ndërtimet e paligjshme.
“Tirana shpëtohet me tritol do i qëndroj deri në fund kësaj kauze për të hedhur në erë ndërtimet e paligjshme, për të kthyer Tiranën në identitetin e saj”, tha Kalaja.
Gjatë prezantimit me anëtarët e degës 5 dhe 12, Kalaja u shpreh se referendumi i parë që ajo do të propozojë lidhet me Pramidën, nëse ajo duhet të prishet apo jo.
“Vendimi i parë që do bëj është futja e ligjit për referendumin vendor. Ky është një ligj që i jep të drejtën e votës çdo qytetari për të përcaktuar qoftë me ato investime në zona të ngushta, në lagje apo rrugica, por edhe investime që lidhen me gjithë Tiranën dhe me disa ndërtime që janë bërë në kundërshtim me ligjin, por edhe që përfaqësojnë një pjesë të errët të historisë.
Referendumin e parë që do propozoj do ishte nëse mendojnë qytetarët e Tiranës të prishet apo jo Piramida.
Tirana shpëtohet me tritol, do ti qëndroj kësaj kauze për të hedhur në erë ndërtimet e paligjshme”, tha ndër të tjera Kalaja.
