Partia Demokratike do të zhvillojë një protestë para Kryeministrisë në 11 shkurt.
Vendimi është bërë me dije nga kryetari i PD, Sali Berisha në fund të mbledhjes së kryesisë.
“Largimi sa më shpejt i Edi Ramës, i cili prej së paku 6 vitesh ka angazhuar shuma përrallore, ka angazhuar policira sekrete, ka angazhuar dhe korruptuar shefin e kundërzbulimit të FBI-së.
Ka marrë peng ish-kryetarin e PD-së, Lulzim Basha, ka bërë gjithçka për asgjësimin politik të Sali Berishës, me qëllimin e vetëm, shkatërrimin e opozitës së vërtetë në Shqipëri.
Koha është në flasë opozita. Të flasë gjer në largimin e kësaj kalbësire, nga pushteti. Gjer në largimin e këtij turpi, njeriu që s’ka asnjë parim, normal, moral, nder, dinjitet që nuk ka asnjë kufi në poshtërsitë e tij për të qëndruar vetë në pushtet, pavarësisht se çfarë i shkakton demokracisë dhe vendit të vet.
Me datën 11 Shkurt, Shqipëria marshon drejt Tiranës, Tirana vërshon në rrugët e saj”, tha Berisha.
Këtë herë thonë se do e rrëzojnë vërtet Edi Ramën, por e kanë thënë aq shumë herë para çdo proteste, sa tani nuk i beson më njeri.
Madje s’po u dalin më as në protest, siç u pa dhe në protestën e fundit, kur dhe u godit me grusht Sali Berisha.
