Pavarësisht se Luiz Ejlli ka qenë një prej këngëtarëve shumë të njohur në Shqipëri përpara disa vitesh, shkëputja nga muzika e tij bëri që emri t’i lihej në harresë. Këngëtari ka fituar festivalin e Këngës Magjike me Juliana Pashën, ndërsa ka përfaqësuar edhe Shqipërinë në Eurovizion.
Mirëpo hyrja e tij në shtëpinë e Big Brother VIP Albania e ka kthyer Luizin në një nga personazhet më të pëlqyer e më të komentuar të momentit në vendin tonë.
E kjo vihet re edhe në profilin zyrtar të Instagramit të Luizit, ku deri para se të bëhej pjesë e Big Brother VIP, ai numëronte vetëm 179 followers, ndërsa sot që flasim, ai numëron mbi 260 mijë ndjekës në Instagram. Një shifër vërtetë e pabesueshme kjo!
