Trafikantët shqiptarë kanë hapur tjetër rrugë për të gjithë personat që duan të marrin rrugët e Anglisë. Mekanizmi është zbuluar nga një hetues britanik, i cili ka kërkuar të pajiset me mjetet e reja të identifikimit nga ana e shqiptarëve.
Pas bisedës që është bërë në rrjetet sociale, shqiptarët i kanë premtuar se do të mundësojnë hyrjen në Britani nëpërmjet aeroporteve për të shmangur atë të Londrës për shkak se kontrollet janë më të mëdha aty.
Po kur prokurori i ka pyetur shqiptarët nëse ia kishin arritur të fusnin ndonjë person në Angli, ata i kanë thënë po e sidomos me identitete bullgare, kishte qenë mjaft i suksesshëm ‘operacioni’! Kështu bëhet me dije se emigrantët ilegalë shqiptarë po përdorin kopje të pasaportave të teknologjisë së lartë për të hyrë në Britani, ka zbuluar një hetim i “Sun on Sunday”.
Ekspertët që punojnë për bandat e trafikimit po kopjojnë çipa biometrike në dokumente reale. Hetuesit tonë iu ofrua një paketë ku përfshihej pasaportë false dhe patentë për vetëm 2600 paund, me tarifën që është ulur edhe më shumë se kostoja e kalimit në Kanal. Shqiptarëve u ndalohet hyrja në Mbretërinë e Bashkuar pa viza, por ata mund të hyjnë si turistë ose për biznes duke përdorur pasaporta nga një vend i BE-së. Një e re shqiptare, sipas mediave, reklamon mjetet e falsifikuara të identifikimit në “TikTok”, ndërsa tregon jetën e saj të begatë në Britaninë e Madhe.
I.D. pretendohet nga mediat vendase se po përdoret nga bandat për të nxitur mashtrimin e të rinjve, u thotë 239,700 ndjekësve të saj se si “të hapin llogari bankare false, të blejnë pasaporta, ID dhe patentë”. Por një burim shqiptar tha: “Bandat janë gjithmonë një hap përpara. Biznesi i pasaportave të rreme po lulëzon sepse ato janë kopje të sakta të gjësë reale dhe i lejojnë emigrantët të shmangin rrezikun e kalimit dhe mjerimin e kampeve në Mbretërinë e Bashkuar”.
Burimet thonë se emigrantët e paligjshëm shmangin aeroportet e Londrës ku kontrollet kufitare janë më të rrepta, duke zgjedhur qendra më të vogla si Glasgow, Birmingham dhe Mançester. Hetuesi ynë kontaktoi me trafikantët në “WhatsApp” dhe ata na thanë: “Pasaporta plus ID, plus patentë, kushton 3000 Euro (2,618 paund)”. Na u tha të paguanim një depozitë në kryeqytetin e Shqipërisë, Tiranë, “kur të marrim nga ju karakteristikat biometrike dhe shenjat e gishtërinjve”. Të pyetur nëse falsifikimet ishin përdorur tashmë me sukses për të hyrë në Britani, ata u përgjigjën: “Po, kryesisht me pasaportë bullgare”.
