Një studim i fundit ka konstatuar se konsumuesit e rregullt të kafes kanë përfitime të pamohueshme shëndetësore.
Për shembull, një meta-analizë e 127 studimeve të kryera në vitin 2017 zbuloi se pirja e përditshme e dy deri në katër filxhanë kafeje ul rrezikun e kancerit me 20 për qind, diabetin e tipit 2 me 30 për qind dhe Parkinsonin me 30 për qind.
Për më tepër, një studim i madh në Mbretërinë e Bashkuar zbuloi se ata që pinë shumë kafe jetojnë më gjatë se ata që nuk pinë.
Së fundmi shkencëtarët kanë zbuluar tre avantazhe të reja për të gjithë adhuruesit e kafes:
-Pirja e kafesë ul rrezikun e sëmundjeve të mëlçisë, “Personat e kafesë kishin 21% më pak gjasa të zhvillonin sëmundje kronike të mëlçisë, 20% më pak gjasa të zhvillonin sëmundje kronike ose të yndyrshme të mëlçisë dhe 49% më pak gjasa të vdisnin nga sëmundje kronike të mëlçisë sesa ata që nuk pinë kafe”.
-Pirja e kafesë zvogëlon rrezikun e dështimit të zemrës, “Pirja e një ose më shumë filxhanëve kafe në ditë mund të zvogëlojë rrezikun e dështimit të zemrës”.
-Pirja e kafesë ul rrezikun e Alzheimerit, “Ata që thanë se pinin dy deri në tre filxhanë kafe në ditë, tre deri në pesë filxhanë çaj në ditë, ose një kombinim prej katër deri në gjashtë filxhanë kafe dhe çaj kishin një rrezik 28% më të ulët të demencës sesa ata që nuk konsumonin”.
