Ledion Liço ka qenë i ftuar në emisionin “Top Arena” mbrëmë ku ka folur për shumëçka nga jeta e tij profesionale, fillimet e punës në Top Channel, familja me Sara Hoxhën dhe prezantimi i edicionit të tretë të “Big Brother Vip Albania 3”.
I pyetur nga Manushi për kujtimet e punës në televizion dhe fillimet në ekran, Liço tha se:
“Viti 2004 ka qenë viti kur fillova të punoja në Top Channel. Ka qenë një periudhë shumë e bukur ajo e fillimeve të mia në televizion, kujtime që i mbaj gjithmonë afër zemrës”, tha ai.
Ledioni foli edhe për familjen e krijuar me Sara Hoxhën, ndërsa tregoi detaje nga puna me të në televizion, ku siç duket Sara është shefja.
“Njohja me Sarën përpara 11 vitesh ka qenë një nga gjërat më të rëndësishme dhe më të vërteta të jetës sime. Jam shumë me fat që kam krijuar një familje dhe jam me po aq fat që bashkëpunojmë në punë. E kam shefe për pjesën dërrmuese të vitit në Big Brother, nuk ta përton fare…,” vijoi Liço.
Ndërkohë që vëmendja është te reality show “Big Brother Vip Albania” dhe prezantimi i edicionit të katërt, duket se Ledioni e ka të qartë angazhimin për këtë pjesë.
“Pyetja më e shpeshtë që më kanë bërë miq, të njohur apo njerëz të zakonshëm që i takoj në rrugë lidhet me çlodhjen time. Në fakt, unë nuk po hapja ndonjë hekurudhë të re, për mua Big-u nuk ka qenë një punë e lodhshme. Ishte një punë që të konsumonte kohën, pra ti nuk kishe kohë për gjëra të tjera, por për mua ka qenë një nga përvojat më argëtuese dhe mezi pres që ta bëj prapë,” shtoi Ledioni.
Pra, me sa duket ai sapo na konfirmoi se do të jetë në skenën e edicionit të katër të “BBVA” si prezantues i këtij formati.
