Banori më i ri që iu bashkua shtëpisë mbrëmjen e djeshme, Bledi Mane, është bërë tema e diskutimit për disa nga banorët e shtëpisë.
Armaldo, Kristi dhe Luizi nisën të diskutojnë planin e radhës.
Armaldo: Lider, si e ke planin sot?
Kristi: Ka ndryshuar shumë situata, duhet të bëjë një plan të ri. Atë jam duke menduar.
Më pas dyshes i është bashkuar edhe Luizi
Luizi: A do e legenosim këtë?
Kristi: Me atë do merresh ti.
Luizi: E di që ai ka ardhur për mua. Do të më zëvendësoj mua.
Më pas Armaldo është shprehur se ai ka të drejtën e vetë për atë ç’ka do të bëjë.
Ndërsa gjatë ditës, Maestro tha se është i mendimit se Bledi Mane është futur me një qëllim: Të sulmojë Luizin.
“Ka ardhur me qëllim të qartë: të të godasë ty. Ti do të rrish ta studiosh dhe ta shohësh me qetësi. Po i dhe rëndësi, ai do të dalë në Prime. Ai këtë do”, e këshilloi Armaldo – Luizin.
“Ai ka si synim që me qetësinë e tij dhe me bagazhin që ka, të arrijë qëllimin dhe të luftojë vetëm me ty. Vetëm për ty ka ardhur, për asnjë tjetër. Ai nuk ka as turp e as sedër, ka ardhur njësoj si ti dhe do të jetë shumë problematik”, shtoi tenori.
Të njëjtin mendim ndau edhe Nita, e cila i tha Luizit se Bledi do të kapet me të. “Paska hyrë me mision”, u shpreh Nita.
“Mbaje mend! Ai e di shumë mirë se ç’po bën. Ka hyrë me mision”, tha banorja.
