Menaxheri i VIP-ave Alesio Aliaj ka qenë i ftuar këtë të hënë në programin “Pushime On Top”, ku ndër të tjera ka folur edhe për një koncert që ka në plan të bëjë në Shqipëri.
Ai u shpreh se ka në plan që të sjellë në Shqipëri këngëtarët e njohur botërorë, Ed Sheeran dhe reperin Drake.
“Kompania ime ka akses te këta dy artistë prandaj kam qejf t’i sjell në Shqipëri. Dhe ju e dini që unë e mbaj fjalën”, është shprehur Alesio.
Mbetet për t’u parë nesë kjo dëshirë dhe ky plan që menaxheri i njohur ka do të realizohet me të vërtet në vendin tonë, pasi do të ishte padyshim shumë bukur..
