Në spektaklin e djeshëm të “AG Show”, program i krijuar dhe moderuar nga Aurela Gaçe, një moment ka përlotur publikun. Në skenën e emisionit u ngjit Kaltrina Kondi, vajza e të ndjerit Dr. Florit, e cila performoi këngën e të atit të ndjerë.
Ajo këndoi pjesën e Dr. Florit në këngën e njohur “Mesazh”, ndërsa në publik ishin edhe pjesëtarët e tjetër të West Side Family.
Performanca e Kaltrinës u prit me lot e emocione, si dhe me shumë komente në rrjetet sociale.
Komentuesit vlerësuan performancën e saj, por edhe 2 miqtë e të atit, të cilët shpeshherë kanë shprehur mbështetjen e tyre ndaj familjes së mikut të ndjerë, si dhe Aurelën, e cila gjithashtu e mban gjallë trashëgiminë artistike dhe kujtimin e Dr. Florit.
Dr. Flori (Florian Kondi) ndërroi jetë në nëntor të vitit 2014.
