Monika Kryemadhi, siç kishte lajmëruar edhe më parë, pas betejave ligjore duket se po i jep fund marrëdhënies së saj me politikën, për t’u bërë tashmë pjesë e botës së showbizit.
Së fundmi, Kryemadhi ka publikuar disa foto dhe video ku shfaqet në skenat e sheshit të xhirimit të një filmi, së bashku me blogeren Dea Vieri.
Ish-deputetja shfaqet sensuale, e veshur me penjuar të bardhë, mbi një krevat dhe me skenar në dorë, në një atmosferë tipike filmike që ka ngjallur menjëherë komente dhe batuta.
Mes urimeve për “profesionin e ri”, komentuesit nuk kanë nguruar as ta thumbojnë Kryemadhin. Një prej tyre shkruan: “Ku është burri?”.
Filmi, ku Kryemadhi luan rolin e nënës së personazhit të Deas, shënon debutimin e saj të parë në kinematografi.
