Pas denoncimit të Monika Kryemadhit për favorizimin e vëllait të ministres Frida Krifca në lidhje me kompaninë e incerenatorëve, një studio ligjore kontaktoi me hashtag.al duke ofruar dokumentacion mbi këtë marrëdhënie.
Ndërsa Kryemadhi publikoi një dokument Ecxel, ku figuronte pagesa prej 5 milionë lekësh të reja për vëllain e ministres nga firma e incerenatorit, studioja ligjore ofroi faturat autentike tatimore, të cilat sugjerojnë një tjetër narrativë.
Sipas dokumenteve rezulton se pagesa nga kompania e incerenatorëve është bërë e 8 telefonave celularë të markës I Phone 6, ndërsa një tjetër dokumet i ofruar sugjeron se vëllai i ministres Kastriot Krifca ka të regjistruar në QKB një kompani për tregtimin e celularëve dhe pajisjeve elektronike që prej vitit 2001.
Këto të dhëna të vitit 2019 sugjerojnë që marrëdhënia ka qënë krejtësisht tregëtare mes palëve dhe jo e lidhur me aktivitetin ose kompentencën e Frida Krifcës në periudhën përkatëse.
E njëjta studio ligjore ka dërguar në Hashtag.al një hartë në të cilën shfaqet sera e ndërtuar nga AZHBR, jashtë territorit të landfillit.
Kontrata për ndërtimin e kësaj sere është lidhur në 14 Dhjetor 2020, ndërsa studio ligjore i shkruan Hashtag.al se:
“ Investimi për serën ka qënë 585 mln lekë (të vjetra) dhe sera është inspektuar nga inspektorët e ministrisë së Bujqësisë dhe programimit IPARD. Ftojmë këdo të inspektojë investimin apo dokumentacionin përkatës, shkruan studioja ligjore.”(Hashtag)
