Projekti i përbashkët mes Eglit dhe Fifit, “Shuj Shuj” dhe “Ku je nis”, nuk gjendet më në asnjë platformë. Kënga e dy artisteve rezulton të jetë fshirë nga YouTube, por jo vetëm. Dy këngëtaret kanë hequr edhe postimet me njëra-tjetrën nga Instagrami. Madje, Egli ka preferuar që të mos mbajë as foto nga sheshxhirimi i këngës.
Krisje e miqësisë?
Fshirja e këngës lë vend për të dyshuar se mes dy artisteve ka një zënkë apo keqkuptim. Nga ana tjetër, Prive raportoi se bëhet fjalë për një mosmarrëveshje financiare, sa i përket ndarjes së fitimeve të këngës. Po ashtu, në të njëjtin material theksohet se Fifi është investuar personalisht në realizimin e videoklipit, ndaj ka kërkuar më shumë përqindje të fitimit.
Fifi dhe Egli bashkëpunuan pas daljes së kësaj të fundit nga “Big Brother VIP Albania”. Në një intervistë për “Goca dhe Gra”, Egli theksoi se ato njiheshin prej kohësh, por vetëm së fundmi janë bërë mikesha të ngushta.
