Ka dështuar raundi i parë i votimit për zgjedhjen e presidentit të ri të vendit.
Komisioni për Çështjet Ligjore i ka dorëzuar Kuvendit raportin për të ezauruar procedurat e votimit të parë, pasi ky votim quhet i vlefshëm edhe kur nuk ka asnjë kandidat të propozuar.
“Komisioni i Ligjeve konstatoi se asnjë kandidaturë nuk është propozuar e nuk është depozituar në Kuvend. Në këto kushte, komisioni i ligjeve kur votimi quhet i kryer edhe pa asnjë kandidaturë, i paraqet seancës për informim këtë raport me qëllim përmbylljen e procesit për votimin në raundin e parë të zgjedhjes së Presidentit”, tha përfaqësuesi i komisionit ligjor.
